عشان تنضيف البيت أكتر حاجة بتتعب أي ست وبتحتاج وقت ومجهود كبير خاصةً لو في وجود أطفال بيبهدلوا المكان بأستمرار وبتحتاجي تنضفي وراهم أول بأول، علشان كدة وفرنالك "جردل المسح السوبر" اللي هيسهل عليكي تنضيف الشقة من غير مايبهدل ولايعك الدنيا!
جردل المسح السوبر هو أسرع وأنسب حل لكل المساحات وده لأنه مصنوع بطريقة عصرية ومبتكرة عشان يسهل عليكي المسح بدون مجهود، بجانب إنه مناسب لكل أنواع الأرضيات سواء السيراميك أو الباركيه أو غيرهم.
اللي بيميز جردل المسح السوبر عن أي جردل تاني إنه بخزان مية وجردله بيتفرد ويتلم، خزان المية دوره إنه يفصل المية اللي اتوسخت نتيجة المسح عن المية النضيفة اللي لسة هتمسحي بيها ده غير إنه كمان مُزود ب 4 فتحات لتصفية المية من الجمب عشان لو أي نقطة مية مش نضيفة وقعت منك وأنتي بتعصري على الجردل تنزل فالخزان مش على الأرض وبكدا تضمني أعلى نسبة نضافة، زائد إن فرد ولم الجردل هيخليه عملي معاكي جدًا فالتخزين يعني هتقدري تشليه ببساطة ومش هياخد حيز ولا مساحة على عكس أي جردل تاني، ده غير إنه مُزود بعجلتين عشان تقدري تتحركي بيه بسهولة.
شرشوبة الجردل إيديها مصنوعة من الستانلس ستيل عالي الجودة المقاوم للصدأ يعني هتضمني إنها تعيش معاكي أطول فترة ممكنة ومش هتتكسر بسهولة زي الخشب، ده غير كمان إنها بتلف 360 درجة وبتقدري تدخليها فى كل الزوايا والأركان وتحت الكنب والترابيزات بسهولة جدًا من غير ما تحتاجي توطى أو تتعبي ضهرك.
دراع الشرشوبة ببكرة تقدري تلفيها على الناحية المكتوب عليها “OFF” عشان تحكمي قفلها ولما تحبي تفكيها تلفيها على الناحية التانية المكتوب عليها “ON”، ده غير إنك كمان تقدري تتحكمي في طول الدراع وتقصريه أو تطوليه على حسب إحتياجك عشان يوصل معاكي لأى مكان مكنتيش بتعرفي توصليله قبل كدا.
